Талдықорған білім бөлімінің экс-басшысы Роза Барманова өлі табылды
Естеріңізде болса сәуір айының басында Талдықорған қалалық білім бөлімі бас есепшісінің үйінен 1 миллиард теңге, сондай-ақ қымбат мүліктің құжаттары табылған еді. 48 жастағы әйел шетелге қашып кетпекші болған.
Үйін тінту кезінде 942 млн 902 мың теңгеден астам қаражат тәркіленді. Бас есепші ұрлаған ақшаның басым бөлігін шетелдік валютаға айырбастап қойған. Бұдан бөлек, 14 пәтер, 7 коммерциялық нысан мен Лэнд Крузер 200 маркалы көліктің құжаттары табылды. Зергерлік бұйымдар да шықты. Қазіргі кезде 1 млрд 200 млн теңгеге бағаланған дүние-мүлікке уақытша шектеу қойылып, тексеру жұмыстары жүріп жатқан. Ал бүгін денесін Қаратал өзенінен балықшылар алып шыққан Роза Барманова аталмыш бухгалтердің тікелей бастығы болған.