Қазақстанда коронавирусқа байланысты жарияланған төтенше жағдай уақытының аяқталуына (16.03.2020-11.05.2020) байланысты президент Қасым-Жомарт ТОҚАЕВ мәлімдеме жасады. Оның ауынша төтенше жағдай уақыты аяқталғанмен, Қазақстан бойынша карантин режимі сақталатынын айтты. Бұл туралы Malim.kz сайты президенттің баспасөз хатшысы Берік УӘЛИГЕ сілтеме жасап хабарлайды.
Уәли өзінің Facebook-тағы ресми парақшасында Тоқаевтың Төтенше жағдай режимін қамтамасыз ету жөніндегі мемлекеттік комиссияның қорытынды отырысында пандемияның қаупі әлі де сейілмегенін айтқанын хабарлады.
"Бүгін бүкіл ел аумағындағы төтенше жағдай режимі аяқталды. Алайда, кейбір аймақтарда дерттің таралуы бәсеңдемей отыр.Індет толығымен жойылып кеткен жоқ. Пандемия халықтың денсаулығына әлі де қауіпті. Сондықтан карантиндік шектеулер әр өңірдегі жағдайдың жақсаруына қарай біртіндеп алынады" – деді Мемлекет басшысы Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның қорытынды отырысында», деп жазды Уәли.
Айта кетейік, төтенше жағдай 2 рет ұзартылды. Соңғы мәлімет бойынша Қазақстанда коронавирус жұқтырғандар саны – 5126; жазылып шыққандар – 1941; қайтыс болғандар – 31 адам.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.