Еркін күрестен Қазақстан командасының мүшесі Әлішер Ерғали Париж Олимпиадасының ширек финалында жеңілді, деп хабарлайды Malim.kz.
97 келіге дейінгі салмақта белдескен ол әлем және Азия чемпионы, бахрейндік Ахмед Тажудиновке 2:14 есебімен есе жіберді.
Әлішердің әлі де Олимпиадада күресу мүмкіндігі бар. Егер Тажудинов финалға шықса, қазақстандық балуан жұбаныш белдесуіне қатыса алады.
Артынша жеке бапкері Пернебек Беласар белдесуге қатысты ойын айтты.
Өте өкінішті. Жақсы дайындықпен келген едік. Төрт ұпай бәрін шешіп кетті. Мақсатымыз қарсыласты шаршату болған. Алайда, тағы да айтамын, сол төрт ұпай жоспарымызды бұзды. Осы жеңіліс үшін халықтан кешірім сұраймыз, деді ол.
Фото: ҰОК/Сали Сабиров
Байланысты жаналықтар
MalimBlocks
