Бүгін Қазақстан Холанд пен Эдегор бастаған Норвегиямен кездеседі
Эдегор Қазақстанға екінші рет, Холанд алғаш рет келді
UEFA Ұлттар лигасының жаңа маусымы басталды. Қазақстан құрамасы алғашқы ойынын бүгін Норвегиямен өткізеді, деп хабарлайды Malim.kz.
Матч Қазақстан уақытымен 19:00-де басталып, «Qazsport» телеарнасынан тікелей эфирде көрсетіледі. Алматыдағы ойынға билеттер толық сатылып кеткен. Тіпті, 20 тамыз күні сатылымға шыққан бұл матчтың билеттері бір тәулік ішінде толық өтіп кеткен.
Негізі билет бағасы 2-10 мың теңге аралығында болды. Бірақ «алып-сатарлар» одан көп қосқан болуы мүмкін.
Норвегия құрамасы сапында жұлдызды ойыншылар көп. «Манчестер Сити» шабуылшысы Эрлинг Холанд пен «Арсеналдың» капитаны Мартин Эдегор жылдың үздік ойыншысына берілетін «Алтын допқа» үміткер. Одан да басқа Англия, Испания чемпионаттарында доп тебетін футболшылары бар.
Бүгінгі матчқа нидерландтық төрешілер қазылық етеді. Бас қазы - Аллард Линдхаут. Оның көмекшілерінің қасында отандастары Йоост ван Зуйлен мен Рогир Хониг бар.
Қазақстан мен Норвегия алғаш рет жолығайын деп тұр. Бұл ұлттық құраманың бас бапкері Станислав Черчесовтің де дебюттік матчы болмақ.
Жалпы, Ұлттар лигасында Қазақстан В дивизионының үшінші тобында өнер көрсетеді. Норвегиядан бөлек, Словения және Австрия құрамалары бар.
Байланысты жаналықтар
MalimBlocks
