Парижде өтіп жатқан XXXIII Жазғы Олимпиада ойындарының алғашқы күнінде Қазақстан қоржынына Елдос Сметов алтын жүлде салды, деп хабарлайды Malim.kz.
Дзюдодан 60 келі салмақта өнер көрсеткен жерлесіміз финалдық кездесуде 31 жастағы отандасымыз француз дзюдошысы Лука Мхейдземен кездесті. Жекпе-жек аяқталғанға дейін бір минут бұрын Елдос вазари әдісін сәтті жасады.
Нәтижесінде отандасымыз алтын жүлдені қанжығасына байлады.
Президент Қасым-Жомарт Тоқаев Олимпиада чемпионын құттықтады.
Дзюдошымыз Елдос Сметовті Париждегі Олимпиада ойындарында алтын медаль жеңіп алуымен құттықтаймын! Оның шеберлігі мен қайсарлығының арқасында Қазақстанның туы биікте желбіреді. Елдос мықты қарсыластармен күресте төртжылдықтың басты додаларында топ жарып, әлемнің үздігі атанды. Сіздің жеңісіңіз – біздің бүкіл халқымыздың жеңісі! – деп жазды Мемлекет басшысы Х парақшасында.
Фото: әлеуметтік желіден
Байланысты жаналықтар
MalimBlocks
