Аустралияның Перт қаласында Қазақстан құрамасы United Cup турнирінің ширек финалында өткен жылғы чемпион Германиямен бетпе-бет келді, деп хабарлайды Malim.kz.
Қазақстан теннис федерациясының жазуынша, алғашқы ойында әлемнің 6-ракеткасы Елена Рыбакина дүниежүзілік рейтингте 80-орында тұрған Лаура Зигемундпен сынға түсті.
Бірінші партияда есеп 3:2 болған мезетте Рыбакина брейк жасай білді – 4:2. Сет біткенше сол басымдылығынан айырылған жоқ – 6:3.
Екінші сетте қазақстандық теннисші тағы да алға кетті – 2:1. Тағы бір брейк – 4:1. Сосын матчты тағы бір брейкпен түйіндеді – 6:1.
Осылайша, Елена Рыбакина Қазақстанды алға шығарды – 1:0.
Бұдан кейін рейтингте 78-сатыдағы Александр Шевченко әлемнің 254 ракеткасы Даниэль Мазурмен кортқа шығады.
Фото: ҚТФ
