«Менің ойымша, Сәкен жеңді». Мырзағали Айтжанов Сәкен мен Хасанбойдың боксына пікір айтты
Париж Олимпиадасы боксшыларымызға ең нашар ойын болып тұрғанын мәлілдеді
Бокстан Қазақстан командасының бас бапкері Мырзағали Айтжанов Париж Олимпиадасындағы ширек финал жекпе-жектерін қорытындылады. Оның қорытындылау пікірін Ұлттық Олимпиада комитеті жариялады, деп хабарлайды Malim.kz.
Оның айтуынша, жігіттер қолдан келгеннің бәрін істеп, аянып қалмады. Бірақ кімнің қолын көтерді, сол жеңімпаз болып қалады.
Өкініштісі сол, Париж Олимпиадасы ең нашар ойын болып тұр біздің боксшыларға. Токиода екі қола болсақ, қазір оған да жете алмай қалдық, дейді бас бапкер.
Ал Бибосынов пен Досматовтың кездесуіне келер болсақ, оның ойынша, Сәкен жеңді. Бірінші және екінші раундты Сәкенге беруге болады. Ал үшінші раундта 3:2 есебіне Сәкен де, қарсылас та лайық болған.
Енді біз қолдан келгенше аянбадық. Қалғанын ринг көрсетті, деді Айтжанов.
Фото: Қазақстан бокс федерациясы/Тұрар Қазанғапов
