Каратэші Дархан Асәділов Токио Олимпиадасының жартылай финалда Стивен да Костадан ұтылды. Сөйтіп қола медальға қол жеткізді.
А тобында өнер көрсеткен каратэші үшінші қарсыласы жапон Саго Наотоны 3:0 есебімен жеңіп, мерзімінен бұрын жартылай финалға жолдама алған еді.
Айта кетейік, қазақстандық каратэші алғашқы кездесуінде 6:2 есебімен басым түскен. Кейін әзербайжандық Фирдоуси Фарзалиевті де 6:2 есебімен ұтқан еді.
Бұл Қазақстан қоржынан түскен жетінші қола медаль. Бұған дейін қола медальға Елдос Сметов, Игорь Сон, Зулфия Чиншанло, Қамшыбек Қоңқабаев, Сәкен Бибосынов, Нұрислам Санаев қол жеткізген болатын.
