Рахмоновтың бүгінгі жеңісінен қанша тапқаны жарияланды
Дегенмен оның кездесуі үздік жекпе-жектер қатарына енбеді
Шавхат Рахмонов (19-0) пен ирландиялық Иан Гэрри (15-1) арасындағы жекпе-жек Лас-Вегаста (АҚШ) өткен UFC 310 турниріндегі үздік жекпе-жектер қатарына енбеді. Vesti.kz жазуынша, қазылар алқасының бірауыздан шешімімен Шавхат 48-47, 48-47, 48-47 есебімен жеңді, деп хабарлайды Malim.kz.
Алайда, жекпе-жек күткендей әсерлі болмағандықтан, кештің үздік жекпе-жектері тізіміне ілінбей, UFC-ден қосымша бонус алмады.
Осы жекпе-жек үшін Рахмонов 450 мың доллар табыс тапты: 350 мың доллар – кепілді гонорар, ал 100 мың доллар – жеңісі үшін.
Айта кетейік, Рахмонов соңғы рет 2023 жылдың желтоқсанында америкалық Стивен Томпсонды (17-8-1) мерзімінен бұрын жеңіп, октагонға шыққан еді.
Фото: instagram/shavkatrakhmonov94
MalimBlocks
