IMAGE: ©zakon.kz (pexels)
Ұлттық статистика бюросының Стратегиялық жоспарлау және реформалар агенттігі мәліметі бойынша, биылдың II тоқсанында қазақстандықтардың отбасы шығыны 1 млн 23 мың 254 теңгені құраған. Бұл туралы zakon.kz басылымы жазыпты.
Осы соманың 933 мың 868 теңгесі немесе 91% астамы - тұтыну шығындары екен. Тұтынудың, жинақ жасауға мүмкіндік бермейтін мұндай шығыны табыстың аздығын көрсетеді.
Тұтынудың құрамында - тамақ шығыны көп, ол 52% немесе 536 мың 210 теңгені құрап отыр. Бұл - халықтың басым бөлігі үшін азық-түлік басты орында екенін көрсетеді.
Одан кейінгі шығындар - азық-түлікке жатпайтын тауарлар (22%) мен ақылы қызметтер (20%) екен.
Сонымен бірге, несие сияқты қаржылық міндеткерліктер 66 мың 451 теңгеге тең болып отыр немесе жалпы шығынның 6,5% құрайды. Аталған шығын ақылы қызметтерге шығынмен шамалас. Бұл - халықтың несиеге әбден кіргенін көрсетеді.
Өңірлер арасындағы шығын айырмашылығы өте үлкен. Шығындардың өңірлер бойынша тізімінде, есептік тоқсан ішінде 1 млн 449 мың 775 теңгемен Ұлытау облысы көш бастап тұр. Мысалы, Шымкент қаласындағы отбасының шығыны сол Ұлытаудағыдан 1.97 есеге кем.
