АҚШ президенті Дональд Трамп Иран картасын Америка туының түстеріне бояп көрсеткен жаңа арандатушылық жазбасын жариялады, деп хабарлайды Malim.kz.
Дональд Трамп өзіне тиесілі Truth Social әлеуметтік желісінде Иран картасын АҚШ туының қызыл, ақ және көк түстерімен бейнелеген пост жариялаған.
«Таяу Шығыстың Біріккен Штаттары?» – деп жазды ол жарияланым соңына.
Еске салсақ, 22 мамыр күні БАҚ АҚШ пен Иран арасындағы келісім жобасының егжей-тегжейі туралы хабарлаған болатын. Құжатта Тегеран белгілі бір шарттарды орындаған жағдайда санкцияларды кезең-кезеңімен алып тастау қарастырылған.
Мәліметтерге сәйкес, Вашингтон шектеулерді біртіндеп жеңілдетуге дайын, алайда Iran болашақ келісімнің барлық талаптарын қатаң сақтауы тиіс.
