Әмірхан Балқыбек (1969–2014) 19 мамырда қазіргі Түркістан облысының Жетісай ауданына қарасты Ленин атындағы ұжымшарда туған.
1989–90 жылдары Шардара аудандық «Өскен өңір» газетінде тілші болып қызмет атқарды. Әл-Фараби атындағы Қазақ ұлттық университетін 1995 жылы журналист мамандығы бойынша бітірген.
1995-2000 жылдары «Парасат», «Жас Алаш», «Ана тілі» секілді республикалық басылымдарда қызмет атқарған. «Қазақ әдебиеті» газетінде әдеби сын бөлімінің меңгерушісі, «Жас қазақ» газетінің әдебиет бетінің редакторы, «Дала мен қала» газетінде әдеби редактор, «Қазақ энциклопедиясы» баспасында редактор болып істеді.
Өлең топтамалары «Ауылдан ұшқан аққулар», «Толқыннан толқын туады», «Жас ақындар поэзиясының антологиясы» іспетті ұжымдық жинақтарға кірген.
1996 жылы «Жазушы» баспасынан шыққан «Метаморфоза», 2001 жылы «Отырар кітапханасы» сериясымен жарық көрген «Сынған сәуленің шағылысуы» жыр жинағының және «Қасқыр құдай болған кез» (2008) кітабының авторы. 1997, 1998 жылдардағы ҚР Президенті стипендиясының иегері. Алматы қаласында тұрған үйінде ескерткіш тақта орнатылып, Ә.Балқыбек атындағы мүшәйра өтті.
Ол қазақ әдебиетінің интеллектуал тұлғасының бірі болды. Әр жылдары жазған мақалалары оқырманға үлкен ой салды. Оны іздеп жүріп оқитын тұтас буын қалыптасты.
MalimBlocks
Әмірхан Балқыбек. Гете немісті жек көрген бе?
Марқұм Әмірхан Балқыбектің (1969-2014) бұл мақаласы кезінде "Дала мен Қала" газетінде жарық көріп еді. Олжас Сүлейменовке қарсы сөз қозғайтын топ туралы толғанып, бүгінгі қазақ неге Олжасты жек көреді деген сауалға жауап берген. Біз ақынның сол мақаласын ұсынып отырмыз.
