Қытайдың Сунъюань қаласында болған оқиға жергілікті тұрғындарды ғана емес, халықаралық ақпарат құралдарын да таңғалдырды. 63 жастағы әйел өміріндегі ауыр қайғыдан кейін тағы бір рет ана атануға бел буып, нәтижесінде қыз баланы дүниеге әкелді. Қазіргі уақытта анасының жағдайы жақсы, дәрігерлер оның босанудан толық қалпына келгенін айтады, деп хабарлайды Malim.kz.
Өмірін өзгерткен қайғылы жағдай
Need To Know басылымының жазуынша, бұл ерекше шешімге әйелдің басынан өткен ауыр қайғы себеп болған. Оның 35 жастағы ұлы онкологиялық аурудан қайтыс болған. Ер адам өз отбасын құрып, бала сүйіп үлгермеген. Ұлын жоғалту анасы үшін ауыр соққы болып, оның өміріндегі үлкен өзгерістерге алып келген.
Дәрігерлер жасы ұлғайған әйелге жүктіліктің қауіпті екенін бірнеше рет ескерткен. Соған қарамастан ол өз шешімінен бас тартпай, экстракорпоралдық ұрықтандыру (ЭКО) әдісінің көмегімен жүкті болды. Тоғыз айдан кейін босану сәтті өтіп, дүниеге қыз бала келді.
Мамандардың айтуынша, ана мен нәрестенің жағдайы жақсы. Тіпті дәрігерлер егде жастағы ананың босануды көптеген жас әйелдерден де жақсы өткергенін атап өткен.
Ана жүрегінің қалауы
Журналистерге берген сұхбатында әйел мұндай қадамға баруына ұлын жоғалтқаннан кейінгі ауыр сезім себеп болғанын айтты. Егер оның немерелері болғанда, мұндай тәуекелге бармас едім дейді.
"Мен тек баламның өмірге қайта оралғанын қаладым", – деді ол.
Бұл сөздер қоғамда үлкен әсер қалдырып, аналық махаббаттың шексіздігін көрсететін мысал ретінде кең талқыланды.
