Қазақстандық боксшы, бірінші орта салмақта IBO чемпионы Жанқош Тұраров өзіне тағылған айыпқа қатысты мәлімдеме жасады, деп хабарлайды Malim.kz.
Естеріңізде болса, 2024 жылғы 21 тамызда Әнару Құрманалиева өзін Тұраров зорлап келді деп айыптаған болатын. Жанқоштың өзі де, оның жұбайы Клара Иса да мұның бәрі жала жабу екенін алға тартты. Енді кәсіпқой боксшы бұл іске нүкте қояйын деп шешкен.
Лас, алыпқашпа сөздер шаршатты. Арызданушымен төсек қатынасы тұрмақ, ешқандай қарым-қатынас та болған емес! – деп жазды Тұраров Instagram-дағы Stories-те.
26 тамыз күні Тұраровтың адвокаты Самат Мамұтов баспасөз конференциясын өткізіп, Тұраров пен Құрманалиева бір-бірін танитынын, бірақ арада ештеңе болмағын айтты.
