«Атырау» футболшылары Премьер-лиганың жетінші турындағы «Ордабасыға» қарсы ойын алдында ерекше діни рәсім жасады.
Ол кезде команда турнирдегі алғашқы алты ойында қатарынан жеңіліп, нәтижесіздіктен арылу үшін дәстүрлі құрбандық шалу рәсіміне жүгінді. Футболшылар арнайы құрбандыққа қой шалып, команданың жолын ашуға тырысты.
"Атырау" ФК бас менеджері Дидар Сыдықбек құрбандық шалудың өз себебі бар екенін айтып, «болмай қалған жолымызды Алла тағала ашсын деп осындай кішігірім жиын жасап жатырмыз»,- деп түсіндірді.
Алайда бұл әрекет те көмектеспеді – өз алаңында өткен кездесуде «Атырау» «Ордабасыға» 1:2 есебімен есе жіберді.
Фото: видеодан скрин
