1 мамырда еліміздің басым бөлігінде жаңбыр мен найзағай күтіледі, деп хабарлайды Malim.kz "Қазгидромет" РМК-ға сілтеме жасап.
Синоптиктердің мәліметінше, атмосфералық фронттардың әсерінен оңтүстік-шығыстағы таулы аймақтарда түнде жаңбыр мен қар жаууы мүмкін. Батыс пен оңтүстік-шығыста бұршақ жаууы ықтимал.
Ел бойынша жел күшейіп, оңтүстік-шығыста шаңды дауыл тұрады. Түнде және таңертең тұман күтіледі.
Сонымен қатар, бірқатар облыстарда суық ауа райы мен үсік байқалады:
-1...-4°C үсік: Батыс және шығыс Қостанай, солтүстік және шығыс Ұлытау, Қарағанды, Шығыс Қазақстан, Ақмола облыстарының батысы, оңтүстігі мен шығысы, Солтүстік Қазақстанның оңтүстік-шығысы, Павлодар мен Абай облыстарының кей бөліктері.
-1°C үсік топырақ бетінде: Ақтөбе облысының солтүстік-шығысында.
Ал тек солтүстік пен орталық өңірлерде ғана жауын-шашынсыз ауа райы сақталады.
Фото: pixabay.com
