2025 жылғы 1 шілде, сейсенбі күні Қазақстанның көп өңірінде жауын-шашын жауады, деп хабарлайды Malim.kz.
Болжамға сәйкес, жауын-шашынсыз ауа райы тек республиканың оңтүстігі мен оңтүстік-шығысында болады.
"Қазақстан аумағының басым бөлігінде ауа райына циклон мен соған байланысты атмосфералық фронттар әсер етеді. Найзағай ойнап, жаңбыр жауады, еліміздің батысында, солтүстігінде және шығысында бұршақ жаууы мүмкін. Шығыс өңірлерде қатты жаңбыр мен дауылды жел күтіледі… Сондай-ақ жел күшейіп, солтүстік пен солтүстік-батыста түнде және таңертең тұман болады", - деп хабарлады "Қазгидромет" РМК.
Фото: pixabay
