Казгидромет 11 мамырға арналған Қазақстан аумағы бойынша жалпы ауа райы болжамын жариялады, деп хабарлайды Malim.kz.
Синоптиктердің мәліметінше, елдің басым бөлігінде ауа райы тұрақсыз болады. Жаңбыр жауып, найзағай, бұршақ және екпінді жел күтіледі. Шығыс, оңтүстік және оңтүстік-шығыс өңірлерде нөсер жаңбыр болжанып отыр.
Түнгі және таңғы уақытта батыс аймақтарда, сондай-ақ оңтүстік-шығыстағы таулы өңірлерде тұман түсуі мүмкін. Ал елдің оңтүстігінде шаңды дауыл күтіледі.
Тек республиканың солтүстік-батысында жауын-шашынсыз ауа райы сақталады.
Сонымен қатар, Қазақстан бойынша желдің күшеюі болжануда.
Үсік жүреді
Түнде келесі өңірлерде 1-6 градусқа дейін үсік жүреді:
- Солтүстік Қазақстан облысы
- Ақмола облысының батысы мен солтүстігі
- Павлодар облысының батысы мен солтүстігі
- Қарағанды облысының батысы мен солтүстігі
- Қостанай облысы
- Ақтөбе облысының солтүстігі
- Батыс Қазақстан облысының солтүстігі
- Абай облысының батысы
Өрт қаупі жоғары өңірлер
Келесі аймақтарда жоғары өрт қаупі сақталады:
- Қызылорда облысы
- Жетісу облысы
- Алматы облысының солтүстігі мен шығысы
- Жамбыл облысының батысы мен шығысы
- Түркістан облысының солтүстігі мен орталығы
- Ұлытау облысы
- Қарағанды облысының батысы, солтүстігі және оңтүстігі
- Ақтөбе облысының оңтүстігі
- Ақмола облысының оңтүстік-шығысы
- Павлодар облысының батысы, шығысы және оңтүстігі
- Шығыс Қазақстан облысы
- Абай облысының шығысы
Ал Қызылорда облысының шығысында, Абай облысының оңтүстігі мен орталығында, сондай-ақ Жетісу облысының оңтүстігі мен оңтүстік-шығысында төтенше өрт қаупі сақталады.
Бұған дейін Алматы қаласының Төтенше жағдайлар департаменті тұрғындар мен қала қонақтарына тауға шығудан уақытша бас тартуға кеңес берген болатын.
