Синоптиктер 2025 жылғы 9 шілде, сәрсенбі күні Қазақстанда ауа райы қандай болатынын хабарлады, деп жазады Malim.kz.
"Қазгидромет" РМК мәліметінше, күндіз мына өңірлерде қатты ыстық күтіледі:
• Батыс Қазақстан, Алматы, Жетісу облыстары мен Ақтөбе облысының оңтүстігінде – +35°С дейін,
• Атырау облысында – +35…+37°С,
• Маңғыстау облысының оңтүстігінде – +38°С дейін.
Синоптиктердің болжамына сай:
"Атмосфералық фронттар елдің солтүстігі, оңтүстігі, оңтүстік-шығысы мен орталығында тұрақсыз ауа райын қалыптастырып, найзағайлы жаңбыр жауады. Солтүстікте қатты жаңбыр жаууы мүмкін, күндіз бұршақ жауу ықтималдығы бар. Ал қалған өңірлерде антициклон әсерінен жауын-шашынсыз ауа райы күтіледі. Ел бойынша жел күшейіп, солтүстік пен оңтүстік-шығыста дауылды жел, ал түнде және таңертең солтүстік пен солтүстік-батыста тұман болады".
Фото: pixabay
