Бейімбет Майлиннің өлеңдері
Бейімбет Жармағамбетұлы Майлы 1894 15 қарашада Қостанай облысы, Бейімбет Майлин ауданында дүниеге келген. 1938 жылы 26 ақпанда Алматы қаласында қаза тапқан. Қазақтың көрнекті жазушысы, ақыны, драмашысы, қазақ әдебиетін қалыптастырушылардың бірі.
![](/images/article-img/1600/23567-1722006655-m.jpg)
Сайлаудан келеміз, елге ойран сап...
Кеше:
- Уа, кімсіз?
- Ыбыраймыз.
- Жаймысыз?
- Жаймыз.
- Уа, қайдан келесіз?
- Сайлаудан келеміз.
Елге ойран сап
Ойнаудан келеміз.
Төске таққан шеніміз бар,
Патшаға жаққан ебіміз бар,
Құдайға шүкір,
Қойдан жуас,
Момақан ғана еліміз бар.
Біз бай,
Біз құдай!
Күш сынасса,
Жым болады.
Кім келеді сайма-сай!
Бүгін:
- Уа, кімсің?
- Ыбыраймын.
- Жаймысың?
- Жаймын.
- Қайдан келесің?
- Соттан келемін.
Соттан емес –ау, оттан келемін.
- Білдің бе?
- Білдім ғой.
- Қалай екен?
- Арыз берген малай екен.
- Солай ма екен?
- Солай екен!
- Не дейді?
- Ақы сұрайды.
- Қанша?
- Он мың сом.
- Он мың сом?
Нең қалады?
- Нем қалсын:
Қатын қалад,
Мен қалам.
- Шенің қайда?
- Тозған.
- Елің қайда?
- Күні озған.
- Енді не етпексің?
- Бітем!
- Бітсең, біт, мен де соныңды күтем.
Байланысты жаналықтар
MalimBlocks
Ақын Жұматай Жақыпбаевтың өлеңдері
Жұматай Жақыпбаев (1945-1990) - Алматы облысы, Талдықорған ауданындағы Ешкіөлмес ауылында туған. Журналист. Ақын. Еңбек жолын кітапхана меңгерушісі болып бастаған. Қазақ мемлекеттік университетін бітірген. Талдықорған облыстық «Октябрь туы» газетінде, облыстық радиода және «Жалын» альманахында поэзия бөлімінің редакторы, Қазақстан Жазушылар одағында әдеби кеңесші болды. Алматы қаласы көшелерінің біріне есімі берілген.