Бір күнде үшінші ұшақ апаты: Норвегияда ұшақ апатты жағдайда қонды
Ұшақ ұшу-қону жолағынан шығып кеткен
Норвегиядан Нидерландқа бағытталған ұшақ Осло әуежайынан Амстердамға ұшып шыққан кезде қатты дыбыс естілген. Anadolu жазуынша, сөйтіп, Саннефьорд халықаралық әуежайына қонуға мәжбүр болған, деп хабарлайды Malim.kz.
Апатты қону кезінде Нидерландтың «Корольдік әуе компаниясына» (KLM) тиесілі Boeing 737-800 ұшағы ұшу-қону жолағынан шығып, шөпті алаңға өтіп кеткен.
Ішіндегі 176 жолаушы мен 6 экипаж мүшесі зардап шекпеген, оқиға бойынша тергеу басталған.
Норвегиялық БАҚ мәліметтері бойынша, ұшақ гидравликалық жүйенің ақауына байланысты қонуға мәжбүр болған.
Фото: aa.com.tr
