Дональд Трамп қастандық шабуылынан кейін не болғанын айтып берді
Оған қарата атылған оқ оның оң құлағын жыртып өткен
![](/images/article-img/1600/23243-1720940173-m.jpg)
Дональд Трамптың Пенсильвания митингісінде оған қастандық жасалды, деп хабарлайды Malim.kz.
BBC орысша қызметінің жазуынша, АҚШ президенттігіне кандидат Дональд Трамптың Пенсильваниядағы сайлауалды митингісінде сөйлеген сөзінде атыс дыбыстары естілген. Ол сөзін тоқтатып, алаңнан беті қан жұққан күйінде кетті.
Оқ атқан адам өлтірілді, одан бөлек, митингте кем дегенде бір адам қаза тапты, деп хабарлады өңір прокуроры.
Кейінірек Трампты қорғауға жауапты құпия қызметтің мәлімдемесі шықты. Онда шабуылдаушы «митинг өтетін орынға жақын биік жерден» мінберге қарай бірнеше рет оқ атқаны айтылған.
АҚШ құпия қызметінің қызметкерлері мергеннің көзін жойды, қорғаныс шараларын тез қабылдады, бұрынғы президент Трамп қауіпсіз. Бір көрермен қаза тауып, екеуі ауыр жарақат алды. Оқиға тергеліп жатыр, деген мәлімдеме таратты.
Ал оқ атқан адамның жеке басы әлі аталмаған.
Трамп оқиғадан соң шамамен 2,5 сағаттан кейін байланысқа шықты.
Маған оқ тиді, оң құлағымның жоғарғы бөлігін тесіп өтті. Мен бірдеңе дұрыс емес екенін бірден түсіндім, ысқырықты, мылтықты естідім және бірден оқтың терімді жыртып өткенін сездім. Қан кете бастады, сондықтан не болып жатқанын тез түсіндім, деді ол.
Айта кетейік, мемлекет басшысы Қасым-Жомарт Тоқаев бұл жағдайды қатаң айыптайтынын мәлімдеп, оның тезірек сауығып кетуіне тілектестік білдірді.
Фото: bbc.com
Байланысты жаналықтар
MalimBlocks
![](/images/article-img/600/24525-1725509392.png)