Экс-президент Трамптың сотына куәгер ретінде порноактриса шақырылған
Трампқа 2016-жылы порноактрисаға заңсыз ақша төледі деген айып тағылған. Бұл туралы ВВС хабарлады.
Мамырдың 7-күні Манхеттан сотында күні бойы куәлік еткен Дэниелс Трамппен 2006-жылы төсек қатынасына түскенін айтқан. Оның сөзінше, Сторми Дэнилес 2016-жылы 130 мың доллар көлеміндегі ақшаны Трамппен он жыл бұрынғы қарым-қатынасын ешкімге айтпау үшін ауызбастырлыққа алған.
Ақшаны экс-президенттің адвокаты берген.
Трампқа осы ақшаны берерде жалған құжат жасап, заңсыздыққа барды деген айып тағылған. Экс-президент барлық айыпты мойындамай келеді. Ол Дэниелспен жақындығын да жоққа шығарады.
Прокурор куәлік етушіден Трамппен қалай төсектес болғанын «қысқаша баяндауын» сұраған. Порноактриса қызып кетіп, әңгімені экс-президентпен 2006-жылы гольф клубта таныстығынан бастап, онымен қалай жатып-тұрғанын тәпіштеп суреттеген.
Сотта Трамп ара-кідік Дэнилеске қарап отырған. Дэнилес болса, айыпталушыға мойын да бұрмаған.
Фото: REUTERS REUTERS
Самое читаемое
