БҰҰ Бас хатшысы Антониу Гутерриш Қазақстанға ресми сапармен келеді. Ол 3-4 шілдеде Алматы мен Астанада болып, Президент Қасым-Жомарт Тоқаевпен, басқа да жоғары лауазымды тұлғалармен және БҰҰ қызметкерлерімен кездеседі, деп хабарлайды Malim.kz.
Қазақстандағы БҰҰ тұрақты үйлестірушісінің кеңсесінің мәлімдеуінше, Бас хатшы 4 шілдеде Астанада өтетін Шанхай ынтымақтастық ұйымының саммитіне шақырылған. Ол ШЫҰ Плюс сессиясында сөз сөйлемек.
Айта кетейік, бұл БҰҰ Бас хатшысының Қазақстанға екінші ресми сапары. Алғашқысы 2017 жылы болған.
Фото: Қазақстандағы БҰҰ тұрақты үйлестірушісінің кеңсесі
