Грузияның экс-президенті Саакашвили тағы 4 жарым жыл түрмеде отырады

Тбилиси соты оған шекараны заңсыз кесіп өткені үшін осындай үкім шығарды

Malim Админ

  • 17.03.2025

Тбилиси соты Грузияның бұрынғы президенті Михаил Саакашвилиді 2021 жылы шекараны заңсыз кесіп өткені үшін төрт жарым жылға еркіндігінен айыру туралы үкім шығарды. Бұл туралы "Азаттық радиосына" сілтеме жасап Malim.kz хабарлайды.

Жергілікті БАҚ-тың хабарлауынша, Саакашвили сот отырысына қатыспаған.

2021 жылғы 1 қазанда Михаил Саакашвили Грузияға, яғни содан 8 жыл бұрын кеткен елге оралды. Сол кезде грузин құқық қорғау органдары бұрынғы президентті ұстап алып, оған шекараны заңсыз кесіп өтті деген айып таққан.

Грузияның тергеу органдарының дерегі бойынша, Саакашвили Украинаның Черноморск қаласынан Грузияның Поти портына бет алған "Вильнюс" деп аталатын кемеде болған. 2021 жылғы 29 қыркүйекке қараған түні кеме портқа кірген соң, одан сүт өнімдері тиелген тіркемесі бар трейлер шыққан, Саакашвили соның ішінде болған.

Өткен аптада Тбилиси соты Грузияның бұрынғы президентін 2009-2013 жылдар аралығында "бюджет қаражатын талан-таражға салғаны үшін айыпты" деп танып, тоғыз жылға бостандығынан айыру туралы үкім шығарды. Саакашвилидің "Біртұтас ұлттық қозғалыс" партиясы үкімнің саяси астары бар деп баға берді.

Саакашвили қазір "қызмет өкілетін асыра пайдаланғаны" үшін сот кескен алты жылдық жаза мерзімін өтеп жатыр. Қазір 2007 жылғы 7 қарашада болған оқиғаларға байланысты оның үстінен қозғалған іс бойынша тергеу жүріп жатыр. Ол кезде Саакашвили Грузия президенті болатын, билік оппозиция митингісін күшпен тарқатқан еді. Қамауда болған кезінде бұрынғы президент денсаулығы нашарлағанын айтып, бірнеше рет аштық жариялаған.  

Фото:  mignews.com  

Байланысты жаналықтар

Алматыда такси жүргізушісіне шабуыл жасаған екі жолаушы жауапқа тартылды

25.04.2025

БҚО-да өзбекстандық 10 адам заңсыз жұмыс істеген

17.04.2025

Жамбыл облысында бұрынғы полицейді өлтірді деген күдікті қамалды

06.04.2025

Блогер бірнеше қызды зорлады деген күдікпен ұсталды

06.04.2025

Германияда үш жасөспірім лаңкестікке қатысты түрмеге қамалды

23.03.2025

Үш адамды атып өлтірген қылмыскер өмір бойына сотталды

22.02.2025
MalimBlocks
Алматыда такси жүргізушісіне шабуыл жасаған екі жолаушы жауапқа тартылды

БҚО-да өзбекстандық 10 адам заңсыз жұмыс істеген

Олардың әрқайсысына 98 300 теңге әкімшілік айыппұл салынды

Жамбыл облысында бұрынғы полицейді өлтірді деген күдікті қамалды

Қазір ол уақытша ұстау изоляторында

Блогер бірнеше қызды зорлады деген күдікпен ұсталды

Қостанайлық ер адам қарызға ақша беріп, оны қайтара алмағандарға интимдік қарым-қатынас ұсынған

Германияда үш жасөспірім лаңкестікке қатысты түрмеге қамалды

Шабуыл жасау үшін олар бірнеше қаланы таңдаған

Үш адамды атып өлтірген қылмыскер өмір бойына сотталды

Мен кінәлі екенімді білемін, бірақ жауапкершілікті сезінбеймін, — деді ол