Н. Пашинян: Армения ҰҚШҰ органдарына қатысуын тоқтатады

Армения қазір ҰҚШҰ-ның барлық органына қатысуын тоқтатты және басқа шешім қабылдамақ емес. Бұл туралы Армения премьер-министрі Никол Пашинян мәлімдеді, деп хабарлайды Malim.kz.

Ресейлік ТАСС ақпарат агенттігінің жазуынша, Армения ҰҚШҰ-ның барлық органында өз қызметін тоқтатып қойған және әзірге осыны жеткілікті деп санайды.

Бізге қазір басқа шешім қабылдаудың қажеті жоқ, бірақ бұл болашақта басқа шешім қабылдамаймыз дегенді білдірмейді, деді Никол Пашинян.

Бұған дейін Пашинян ел парламентінде «ҰҚШҰ-ға қатысушы екі ел Арменияға қарсы соғыс дайындап жатыр» деп мәлімдеген еді. Журналистің сұрағына ол ол елдерді атаудың қажет деп санамайтынын мәлімдеген.

Фото: gazeta.ru/Mikhail Metzel, Sputnik, Kremlin Pool Photo via AP