Жексенбіде прокурорлар Оңтүстік Корея президенті Юн Сок Ёлді қысқамерзімді әскери жағдай енгізу арқылы бүлік басқарды деп айыптады. Yonhap агенттігінің жазуынша, айып тағылғаннан кейін Юн Оңтүстік Корея тарихында тұтқындалған кезде айыпталған бірінші қызметтегі президент болды, деп хабарлайды Malim.kz.
Юнға бұрынғы қорғаныс министрі Ким Ён Хёнмен және басқа тұлғалармен бірге 3 желтоқсанда соғыс, қарулы қақтығыс немесе осындай ұлттық дағдарыс белгілері болмағанына қарамастан, Конституцияға және заңға қайшы төтенше жағдай жариялау арқылы бүлікке шақыруды ұйымдастырды деген айып тағылып отыр. Оның парламентке әскери күштерді жіберіп, заң шығарушыларға әскери жағдайды жариялауға қарсы дауыс беруге кедергі жасағаны да айтылады.
Юн, сондай-ақ, Ұлттық ассамблеяның спикері У Вон Сик пен бәсекелес партиялардың жетекшілерін, сондай-ақ, сайлауды бақылаушы органдардың лауазымды тұлғаларын тұтқындауды жоспарлаған деген де айыпқа қалып отыр.
Юн 19 қаңтарда ресми түрде тұтқындалды. Сот енді 180 күн ішінде оған импичмент немесе қызметін қалпына келтіру туралы шешім қабылдау керек.
Фото: yna.co
Байланысты жаналықтар
MalimBlocks
