Қазақстан ТМД-дағы спорты мықты елдердің бірі ретінде танылды, - деп хабарлайды Мalim.kz тілшісі Stan.kz ақпарат агенттігіне сілтеме жасап.
EnergyProm сарапшыларының пікірінше, әлемдік спорттық рейтингте біздің ел ТМД арасынан тек Ресей мен Украинадан қалып қойды. Сарапшылар спорт рейтингінде ұлттық комитеттердің, федерациялардың және басқа да мамандандырылған құрылымдардың стратегияларына баға берді.
Жаһандық спорттық жетістіктері бойынша Қазақстан 206 елдің ішінде 43-орында. Көрсеткіштер бойынша жетекші орындарды АҚШ, Франция және Ұлыбритания иеленді.
Спорты ең нашар елдердің қатарына Микронезия Федеративтік штаттары, Маршалл аралдары және ең кішкентай тәуелсіз республика Науру кірді.
Алайда елімізде спортпен шынығу қымбаттап кетті. Сәуір айында спортзалға абонемент бағасы шамамен 7% өсті. Мектеп жасындағы балаларға арналған бассейндер мен спорт секциялары да қымбаттапты.
Фото: Pixabay.com
