Астанадағы автобус апатынан зардап шегіп, екі аяғынан айырылған Алуаның отбасына автопарк өмір бойы көмектеседі. Бұл туралы автопарк басқарма төрағасы Мадияр Тұқпатов зардап шеккен қыздың туыстарымен кездесуінде айтты.
“№1 автопарк басшылығы өмір бойы көмектесуге уәде берді. Бұл уәдені заң жүзінде рәсімдейміз деп отыр”, – дейді Алуаның туыстары.
5 баланы жалғыз тәрбиелеп отырған Махаббатқа жан-жақты материалдық қолдау көрсетіледі және барлық қажетті шығындары өтелмек.
Еске сала кетейік, осыған дейін қыздың отбасына:
Сақтандыру компаниясы — 19,6 млн теңге өтемақы;
Автопарк басшылығы — 10 млн теңге көмек;
Қала әкімдігінен — 4-бөлмелі пәтер берілді.
Фотоколлаж: qaz365.kz
