Қазақстандықтар 1 сыныпқа қабылдауға 270 мыңнан астам өтініш берді
Жыл соңына дейін 370 мың баланың жасы 6-ға толады
![](/images/article-img/1600/23058-1720155027-m.jpg)
Бірінші сыныпқа қабылдау бойынша бүгінге дейін 275177 өтініш түскен. Ақмола, Алматы, Жетісу, Павлодар облыстары 100% көрсеткішке қол жеткізген, деп хабарлайды Malim.kz.
Оқу-ағарту министрлігі баспасөз қызметінің мәлімдеуінше, алдын ала болжам бойынша, 2024 жылдың 31 желтоқсанына дейін 6 жасқа толатын балалар саны 370 мыңнан асады, осылайша олардың бірінші сыныпқа баруға толық мүмкіндігі бар.
Азаматтарға қолайлы болу үшін қызмет көрсету толығымен автоматтандырылған. Ата-аналар мен балалардың заңды өкілдері өз өтініштерін еgov.kz электронды порталында, сондай-ақ, жергілікті атқарушы органдардың ақпараттық жүйелері арқылы тапсыра алады. Бірінші сыныпқа балалар 6 жастан бастап ата-анасының немесе баланың заңды өкілінің өтініші негізінде қабылданады. Өтініштер демалыс пен мереке күндерінен басқа, дүйсенбіден жұмаға дейін қабылданады.
Айта кетейік, 1 сыныпқа өтініш қабылдау 31 тамызға дейін жалғасады.
Фото: Ult.kz