Айсұлу есімді кәсіпкер желідегі парақшасында продюсер Мөлдір Мұқановаға қолдау көрсетті, деп хабарлайды Malim.kz.
"Мөлдір ешкімнен сүйінші сұрайын деп шыққан жоқ. Мен бұл жазбаны жазбай тұра алмадым… Себебі көпшілік Мөлдірді кінәлап, шындықты білмей жатыр. Мөлдір ешкімнен сүйінші сұрайын деп шыққан жоқ. Тұрсынбек ауырып қалған кезде, "Мөлдір тұштандап жас жігітпен ән айтып жүр", – деген сөздер тарап, оны өз балалары оқып, жүрегіне жара түспесін деп, ол шындықты айтуға мәжбүр болды. Бұл – хайп емес, ана жүрегінің айғайы еді. Мөлдір хайп ретінде жасаған жоқ, еркектермен әйелдерге бөлінсін деген жоқ. Ол: "5 балам жылағанша, жалғыз өзім жылайыншы…" – деп үнсіз келді. Жарақаты жазылып, жүрегі тынышталған соң ғана ол балаларын қорғау үшін сөз айтты. Бұл – өзін емес, аналық жүрегін қорғау еді", – деп жазды кәсіпкер.
