Миллиардер Англиядағы ақшасына аң-таң

Malim Админ

  • 07.12.2020

Бүгін Болат Өтемұратовтың атынан компаниялар тобының қызметкерлеріне хат тарады. Онда Өтемұратов өзіне мүлкіне ағылшын сотының салған санкцияларына қатысты пікірін айтқан.

Олигарх бұл істі репутациясына кедергі келтіріп, бизнесіне залал тигізбек болғандардың әрекеті деп түсіндірген. Хаттың растығын «Верный Капитал» компаниялар тобының баспасөз қызметі растаған.  Хат мәтінінің мазмұны былай:

«Қазір жұрттың көбі жазып, айтып жатқан жайттарға қатысты жеке өзім сіздерге хат жазуды дұрыс деп шештім. Өйткені бұл өте маңызды.

Өткен аптаның аяғында ағылшын сотынан электронды почтамызға «Верный Капитал» компаниялар тобының қаржысына бұғаттау қойылған туралы құжаттар тізімі келді. Бұл БТА банк ісіне қатысты делінген.

Таңғалғанымды жасырмаймын. Жедел түрде анығын білуге кірістік. Заңгерлер соттың шешімі жалған құжаттар негізінде шыққанын анықтады. Қазір сол шешімнің күшін жою үшін жұмыс істеп жатырмыз. Бұған біраз уақыт керек, бірақ бәрі дұрыс шешілетініне сенімдімін. Қазір іс қайта қаралып жатқанда, мен ресми түрде ештеңе айтпаймын. Барлық компаниялар қалыпты режимде жұмысын істей береді.

Қазір маған сіздердің сенімді болғандарыңыз керек. Бұл жағдайлардың бәрі сіздерге, отбасыларыңызға қалай әсер етіп жатыр екен деп уайымдаймын. Қаншама сұрақтар туындағанын да ойлап отырмын. Бұлыңғыр, түсініксіз жағдайлар тұтунышылар мен достардың, жақындардың қарым-қатынасына әсер ететінін түсінемін.

Қазір бір ғана нәрсе айта аламын. Бұл менің және компанияларымның репутациясын шайқап, бизнесімді ақсатуға жасалған шабуыл. Біз өзіміздің ақ екенімізді дәлелдейміз.

Өз мақсатымызды орындау жолында және компаниялардың, тұтасымен алғанда елдің даму ісінде сабыр сақтап, жұмыс істей беруге шақырамын».

Айта кетейік, 1-ші желтоқсан күні Ұлыбритания азаматтық соты Болат Өтемұратовтың 5 миллиард долларын бұғаттағаны туралы ақпарат шықты. Шетелдік БАҚ-тың жазуынша, бұл бұғаттау Қазақстанда аты шулы «БТА Банк» ісімен байланысты. Британиялық сот олтгарх Өтемұратовты «БТА банктен ұрланған ақшаны жасыруға қатысы бар» деп айыптайды екен.

Ал Қазақстанда экстремистік ұйым деп танылған ДВК басшысы Мұхтар ӘБЛЯЗОВ «Болат Өтемұратов үй қамақта»  деп ақпарат таратқан еді.

Бұған дейін қазақстандық миллиардердің өкілі Ерлан ОСПАНОВ мәлімдеме жасап,  британиялық соттың шешімі Болат ӨТЕМҰРАТОВТЫҢ бизнесіне еш кедергі келтірмегенін айтқан болатын.

«Верный Капитал» компаниялар тобының бас директоры Ерлан Оспанов КазТАГ журналистерінің сауалына:

«Барлық активтерді пайдалану бойынша ағылшын сотының шешімін алдық. Бұл шектеулер Болат Өтемұратов иелік ететін банк, отель, теле-операторлар, мейрамханалар, тау-кен орындарына қатысы жоқ. Активтерді бұғаттау меншік иесінің құқығын шектемейді және бизнесіне кедергі келтірмейді», – деп жауап берген болатын.

Байланысты жаналықтар

Бұл сайлауда қандастар ғана жеңіске жетеді!

30.01.2023

Назарбаевқа қатысты ауқымды аудит жүргізіледі

13.01.2023

Назарбаев туралы заңның күші жойылды 

11.01.2023

Қаралы қаңтарға 1 жыл. Назарбаевтан бас тарту процесі немен аяқталады?

30.12.2022

Садақашыл қоғам мен уәдешіл үкіметтің бір жылы

28.12.2022

Қазақстан vs Өзбекстан: Үлкен қыздардың үлкен ойлары

22.12.2022
MalimBlocks
Бұл сайлауда қандастар ғана жеңіске жетеді!

Сонымен сайлауға үміткерді тіркеу басталып кетті! Ал мен күткен қандастар үнсіз («Республика» партиясының жетекшісінің бірі Сырымбет Тауды есепке алмаймын).

Назарбаевқа қатысты ауқымды аудит жүргізіледі

Саяси басымдықтары да болмайды

Назарбаев туралы заңның күші жойылды 

Қаулы қабылданған күннен бастап күшіне енеді

Қаралы қаңтарға 1 жыл. Назарбаевтан бас тарту процесі немен аяқталады?

Бұрынғы президентті құрбандыққа шалуы мүмкін

Садақашыл қоғам мен уәдешіл үкіметтің бір жылы

Неге бұлай болды, неге адамдар өзіне қол жұмсайды, неге наразылыққа шыға береді, неге зейнет жасын төмендетуді сұрайды, неге жәрдемақыны көтеруді талап етеді деген зерттеулер жүргізілмейтін, тек әр оқиғаның салдарымен ғана күресетін және шамасы келгенше жылы жауып тастауға тырысатын мемлекетте тағы бір жылды өткіздік...

Қазақстан vs Өзбекстан: Үлкен қыздардың үлкен ойлары

Өзбекстанның президенті Ш.Мирзиеев Қазақстанның экс-президенті Н.Назарбаевтың қателігін қайталай ма?