Денсаулық сақтау министрінің орынбасары болып Әсем НҮСІПОВА тағайындалды. Бұл туралы МӘЛІМ КЗ үкімет басшысының баспасөз қызметіне сілтеме жасап хабарлайды.
Әсем БЕКҚЫЗЫ бұған дейінде ведомства басшысының орынбасары болып қызмет еткен. 2006-2008 жылдары осы қызметте болған. 2016-2019 жылдары Шығыс Қазақстан облысы әкімінің орынбасары болды. Даниал АХМЕТОВТІҢ орынбасары болып жүргенде 31 мамыр – саяси қуғын-сүргін құрбандарын еске алу күні айтқан сөзі мәңгілік ел есінде қалды.
2018 жылы Әсем Нүсіпова Семейде өткен шарада Әлихан Бөкейханның ескерткіші алдына гүл шоқтарын қойып қағазына шұқшиып орыс тілінде баяндама жасаған еді. Әңгіме шененунік ханымның орыс тілінде баяндама жасағанында емес. Сөз соңында «С праздником 31 мая!» деп саяси репрессия құрбандарын еске алу күнін мерекеге айналдырып жіберіп еді.
Айтпақшы, жаңа һәм ескі вице-министр аса білімдар жан. Әл-Фараби атындағы Ұлттық Университеттін аспирантурасына дейін тауысқан. Мамандығы экономист. Сосын Мәскеудегі М. Ломоносов атындағы мемлекеттік университетін аяқтаған. Және Ұлыбритания мен АҚШ-та да білімін жетілдірген.
Фото: twitter.com
Байланысты жаналықтар
MalimBlocks
«Абай» баспасынан шыққан 35 кітаптың тұсауы кесілді
28 қараша күні Ұлттық кітапханада «Абай» баспасы шығарған 35 кітаптың тұсаукесер рәсімі өтті. Кітаптың әр данасы – 1000 тиражбен шыққан. Аталған баспаның құрылтайшысы әрі директоры Ақберен Елгезек 35 мың дана кітапты басып шығаруға ешқандай мемлекет қаржысы жұмсалған жоқ дейді.