Мәдениет және спорт министрлігінің спорт және дене шынықтыру істері комитетінің төрағасы Серік Сәпиев Қазақстан боксшылары Олимпиадада 3-4 медаль алуы мүмкін деп есептейді. Ол бұл пікірін бүгін орталық коммуникациялар алаңында өткен брифингіде айтты.
"Бізде үміт бар. 3-4 медаль алуға болады. Бибосыновтың қарсыласы – Франция боксшысы мықты. Өтсе, келесі қарсыласы деңгейі ондай жоғары емес. Қамшыбек Қоңқабаев, Әбілхан Аманқұл мен Зәкір Сафиуллиннің қарсыластары да көшбасшылар емес, жеңуге болады. Төрт медаль алуға мүмкіндігіміз бар", - деді Серік Сәпиев.
Фото: prosport.kz
