Жаңа жыл қарсаңында күн суытып, қар жауады. Қазақстанның кейбір облыстарында күн – 38 градусқа дейін суытады. Бұл туралы Malim.kz ҚАЗГИДРОМЕТКЕ сілтеме жасап хабарлайды.
«Қазақстан аумағында атмосфералық процестердің жылдам ауысуы күтілуде. Жылу мен ылғалдың мол қорымен Атлантикалық циклон Қазақстанның басым бөлігінде қардың мол түсуіне, бұрқасын соғып, желдің күшеюіне және ауа температурасының қысқа мерзімді көтерілуіне әкеледі. Бірақ 30 желтоқсанда циклонның артынан Арктика аудандарынан суық ауа массаларының басып кіруі күтіледі, онымен жауын-шашынның біртіндеп тоқтатылуы және ауа температурасының айтарлықтай төмендеуі күтіледі. Солтүстікте түнгі уақытта температура 30-38 градусқа дейін төмендейді. Республика бойынша кей жерлерде тұман күтіледі», - делінген Қазгидромет таратқан хабарламада.
Солтүстік Қазақстан облысы төтенше жағдай департаменті өңір халқына сақтанып жүруді ескертті.
Байланысты жаналықтар
MalimBlocks
