«Жылқыны қолға үйреткен қазақтар емес». Блогердің пікірі желі қолданушыларының ашуын туғызды

«Ең алғашқы жылқыны қолға үйреткен қазақтар емес». Желіні белсенді қолданушы, жылқы жайында видеоконтент түсіріп жүрген Азамат Темірсұлтанұлы оқырмандарына осындай мәлімдеме жасады, деп хабарлайды Malim.kz.  

Ол қазақтардың мақтанға салынатынын айтып, тұлпарды тұңғыш тізгіндеген адамды біліп жүруге шақырды.  

Біз қазіргі қазақтар мақтанғанды жақсы көреміз. Әсіресе ата-бабалардың істеген амалдарын көп айтамыз және мақтанамыз. Соның бірі – аталарымыз түркілер алғаш рет жабайы жылқыны үйретті деп көп айтамыз. Ол қате пікір,- деді блогер.  

Оның айтуынша, қамбар ата түлігін қолға үйреткен арабтан шыққан пайғамбар.     

Біздің пайғамбарымыз (оған Аллаһтың игілігі мен сәлемі болсын), содан келген хадистерде жабайы жылқыны бірінші үйреткен Исмаил пайғамбарымыз екен. Сахабаларына айтады, сендердің аталарың Исмаил жылқыны алғаш үйреткен, сендер неге атқа мінбейсіңдер деген сияқты... Мұсылман болған соң хадистерге сүйенеміз. Алғаш жылқыны үйреткен Исмаил с.ғ.с пайғамбарымыз.  Білмесеңіздер біліп жүріңіздер,- дейді ол.

Блогер Азамат Темірсұлтанұлының бұл пікірі  желі қолданушыларының қарсылығын тудырып жатыр. Көбі Темірсұлтанұлының айтқанымен келіспейтінін жеткізуде. 

Фото: видеодан скриншот