"Қазгидромет" синоптиктері алдағы үш күнге арналған ауа райы болжамын жариялады, деп хабарлайды Malim.kz.
Мамандардың болжамына сәйкес, елдің басым бөлігінде атмосфералық фронттардың әсерінен ауа райы құбылмалы болады.
Өңірлерде жаңбыр жауып, найзағай ойнайды. Кей аймақтарда бұршақ жауып, қатты жел мен дауыл соғуы ықтимал.
20 қыркүйекке қараған түні оңтүстік-шығыстағы таулы аймақтарда жаңбыр аралас қар түседі деп күтілуде.
Сонымен қатар түнгі және таңғы уақыттарда тұман түсіп, көлік қозғалысына қолайсыздық туғызуы мүмкін.
Ауа температурасы күрт өзгермегенімен, елдің солтүстік аймақтарында түнде 1-3 градусқа дейін үсік жүру қаупі бар.
Фото: istockphoto.com
