Қарағанды облысында 2 жасар сәби көкжөтелден қайтыс болды
Бала екпе алмаған және емхана деңгейінде көп жүріп қалған, аурухағана кеш түскен.
Денсаулық сақтау министрі Ақмарал Әлназарова Үкімет отырысынан кейінгі брифингте былтырдан бері көкжөтелге қатысты жағдайдың өскенін айтты, деп хабарлайды Malim.kz.
Көкжөтел – вакцинамен басқарылатын инфекциялардың бірі. Дүние жүзіндегі барлық мемлекет коклюшқа байланысты вакцинаны балаларға егіп жатады. Бұл эпидемиологиялық жағдайды тұрақты түрде ұстап тұрады. Бізде былтырдан бері көкжөтелге қатысты жағдайдың өскенін байқап отырмыз. 80 пайыз ауырған балалар өкінішке қарай вакцинаны алмаған. Көкжөтелдің асқынған түрлері өте ауыр түрде өтеді. Емі де қиын. Азаматтарымызды балаларын осы ауру түріне қарсы вакцинаны белсенді алуға шақырамыз. Қосымша вакцинациялау мәселесінде тағы қаражат бөлінді. Яғни, былтырғы жылдары вакцинациядан өтпеген балаларамыздың арасында қосымша вакцинациялау жұмыстары жүріп жатыр, - деді Денсаулық сақтау министрі.
Ол биыл көкжөтелден кішкентай сәби қайтыс болғанын айтты.
Өкінішке қарай, Қарағанды облысында 9 наурыз күні бір сәби көкжөтелден қайтыс болды. Бала 1 жас 11 айда болды. Бұл жағдайға ДСМ тарапынан сараптама жүргіздік. Біріншіден, бала уақыты жетпей дүниеге келген. Екіншіден, екпе алмаған және емхана деңгейінде көп жүріп қалған, аурухағана кеш түскен. Сондықтан тиісті асқынулардың себебінен бұл балаға көмектесе алмадық. Көкжөтел жеңіл өтетін ауру емес, - деді Ақмарал Әлназарова.
Фото: интернеттен
Байланысты жаналықтар
MalimBlocks
