Париж олимпиадасының чемпионы Елдос Сметовтің дұға-тілек туралы айтқан сөздері әлеуметтік желіде таралып жатыр. Дзюдошы жарыс жолында жолы болғаны дұғаның арқасында екенін айтады, деп хабарлайды Malim.kz.
Спортшы бір қауым елдің алдында қарсыластарымен күрескен сәтті есіне алып, ағынан жарылды.
«Олимпиадада дұғаның қабыл болғанын сезіндім. Қарсыластарым көзіме кішкентай болып көрінді. Мен оларды ұстағанда оңай жеңіп алатындай көрініп тұрды. Алла сонда анау қарсыластарымның мысын басып қойды. Сондықтан біз үшін дұға жасаған ата-анамызға Алла разы болсын. Ата-ананың қадірін түсінген адамға Алланың разылығын алу қиын емес», - дейді Елдос Сметов.
