Доллар 498 - 499 теңгеден саудаланып жатыр
Астана мен Алматы қалаларындағы ақша айырбастау пункттерінде доллар 498 – 503 теңге аралығында саудаланып жатыр.
Ұлттық банктің 26 қарашаға арналған ресми бағамы — 1 долларға 498,51 теңге. Ресей рублінің орташа сараланған құны — 4,81 теңге. Еуро — 522,24.
Kurs.kz мәліметінше, қазіргі уақытта Алматының ақша айырбастау пункттерінде доллар 501,1 теңгеден сатылып жатыр, сатып алу бағамы — 503,3 теңге. Еуро 522,5 — 526,5 теңге аралығында құбылып тұр.
Ал, Астана қаласы бойынша долларды сату бағамы — 498 теңге, сатып алу құны — 503 теңге. Еуро 521 теңгеден сатылып, 527 теңгеден сатып алынады.
Дәл қазіргі уақытта ақша айырбастау орындарында Ресей валютасы 4,82 - 4,92 аралығында саудаланып жатыр.
Айта кетейік, 25 қараша кешкі сауда қорытындысы бойынша, доллардың орташа бағамы 0,09 теңгеге қымбаттап, 498,68 теңге болған.
Осыған дейін ҚР Ұлттық банкі төрағасының орынбасары Виталий Тутушкин доллар бағамының 600 теңгеге дейін өсуі мүмкін бе деген сұраққа жауап берді.
Ұлттық банк мәліметінше, валюта нарығындағы теңгерімділікті арттыру мақсатында квазимемлекеттік сектор субъектілерінің валюталық түсімдерінің 50%-ын міндетті түрде сату талабы қайта енгізіледі.
Сондай-ақ ол теңгенің әлсіреуі АҚШ-тағы сайлаудың нәтижесі емес, ең алдымен ішкі экономикалық факторларға байланысты деп есептейді.
Фото: Kazinform
Самое читаемое
