Ел аумағында халықаралық әуе хабын құру қажет – Тоқаев
Президент толыққанды экожүйе құру міндеті тұрғанын айтты
Президент Қасым-Жомарт Тоқаев еліміздің аумағында халықаралық әуе хабын құру қажет екенін айтты. Бұл туралы Үкіметтің кеңейтілген отырысында мәлімдеді. Сондықтан ірі әуежайларымызды бәсекеге қабілетті халықаралық хабқа айналдыру үшін тез арада батыл шешімдер қабылдау қажет, деп хабарлайды Malim.kz.
Алдымызда жүк және жолаушылар терминалдары, логистикалық орталықтары және заманауи сервистері бар толыққанды экожүйе құру міндеті тұр. Жүк тасымалының барлық рәсімін жеңілдетіп, авиаотынға қолжетімді баға қою керек. Кейінгі мәселе өте өзекті. Өйткені біздің әуежайлардағы, атап айтқанда, Астана әуежайындағы авиакеросиннің бағасы тым қымбат. Үкімет Бәсекелестікті қорғау ведомствосымен бірге аталған міндетті алғашқы жартыжылдықта орындауы керек, деді президент.
Оның сөзінше, қазір әлемде әуемен жүк тасымалдау нарығы 140 миллиард долларға бағаланып отыр. Бұл – орасан зор мүмкіндік. Алайда бірде-бір қазақстандық авиакомпания аталған салада толық жұмыс істемейді.
Фото: Астана халықаралық әуежайы
MalimBlocks
