Бүгін қаладағы құрылыс нысандарын аралап шыққан қала әкімі М.Әйтенов Арғынбеков көшесінде салынып жатқан көпқабатты тұрғын үйлерге де атбасын тіреді.
Мұнда көп қабатты 4 үй салынып жатыр. Әр қайсысы 9 қабаттан. Барлығы 216 пәтер. Пәтерлердің жалпы аумағы 14 074 шаршы метр екен. Пәтерлердің аумағы занауи кең. Мәселен, 1 бөлмелі пәтердің аумағы 45-49 шаршы метр болса (72 пәтер), 2 бөлмелілер 62-66 шаршы метр (72 пәтер), 3 бөлмелілер 77-82 шаршы метр (72 пәтер) аралығында.
Бұл тұрғын үйлердің құрылысы жыл соңына дейін аяқталады. Сосын «7-20-25» бағдарламасы арқылы кредиттік негізде үлестіріледі. Яғни, 216 отбасы осы жерде жаңа жыл қарсаңында қоныс тойын тойламақ.
Ал әкім мен құрылысшыраға әзірге той жоқ. Әкім мердігер мекемелердің басшыларымен сөйлесіп, бар мәселелерді ортаға салды.
«Әрбір үйді салып жатқанда осы үйде өзім немесе туысым тұруы мүмкін деген оймен салу керек. Алдағы аптада тағы да келіп мәселелердің шешілгенін көремін. Бұған өзіңіз тікелей жауаптысыз»,– деп құрылыс басқармасының басшысына тапсырма жүктеген әкім үй сапасы айрықша назар аудартты.
Байланысты жаналықтар
MalimBlocks
