Еліміздің Қаржылық мониторинг агенттігі «Маңғыстаумұнайгаз» АҚ лауазымды тұлғаларына қатысты қылмыстық істің аяқталғанын хабарлады.
Агенттіктің Маңғыстау облысы бойынша аумақтық департаменті «Маңғыстаумұнайгаз» АҚ-ның лауазымды тұлғаларымен ақша қаражатын жымқыру дерегінің жолын кесті. Тергеу кезінде 2017-2018 жылдары «Маңғыстаумұнайгаздың» құқықтық қамтамасыз ету департаментінің директоры Д. Бейсембин және оның орынбасары А. Дәуленбаева жылжымайтын мүлік нысандарының құқық белгілеуші құжаттарын қалпына келтіру және тіркеу бойынша қызмет көрсеткені үшін Д.Лисовой және А. Юндтпен жалған шарттар жасағандығын анықталып отыр.
Осы орайда компанияның 700-ден астам жылжымайтын мүлік нысандарының құжаттары облыстың мемлекеттік мұрағатында сақталған және оларды қалпына келтіру қажет болмаған. Тіпті, керек болған жағдайда бұл құжаттардың көшірмелері тегін ұсынылады.
Осылайша, компанияның шоттарынан қаражатты заңсыз қолма-қол ақшаға айналдыру мақсатында Д. Лисовойдың атына негізсіз 455 миллион теңгеден астам қаражат аударылғаны анықталды. Көрсетілген қызметтер үшін Д.Лисовой мен А. Юндттың әрқайсысы 10 миллион теңгеден иеленген. Аталған лауазымды тұлғалар былтыр тамыз айында қамауға алынған болатын. Ұзақ уақытта созылған тергеуден кейін, сот кінәлі тұлғаларды 5 жылға бас бостандығынан айырған.
«Маңғыстаумұнайгаз» АҚ лауазымды тұлғалары ақша жымқыруды жүзеге асырған уақыттары компанияның бас директоры қызметін Бақыт Иманбаев басқарған.
Жанкелді Қаржан, Ақтау қаласы
Байланысты жаналықтар
MalimBlocks
Каспий итбалығының тағдыры: Балықшылар, мұнайшылар, емшілер және жүкті әйелдер
Каспий итбалығы – Қазақстанды мекен еткен теңіздегі жалғыз сүтқоректі жануар. Кезінде жануардың терісі мен майы бағалы болғандықтан, есепсіз қырылған. 2008 жылы жоғалып кетуі мүмкін жануар ретінде Халықаралық табиғатты қорғау ұйымының тізіміне енсе, 2020 жылдан бері Қазақстанның Қызыл кітабына енген. Malim Media санаулы қалған Каспий итбалығының сақтау үшін Қазақстан билігі қандай шара қолданып жатқанын зерттеп көрді.