Елордадан Шымкентке жұмыс сапарымен келген сенат депутаттары қаладағы бірқатар нысандарды аралап көрді. Олар Тұран шағынауданындағы көпқабатты тұрғын үй құрылысымен және бас жоспарға сәйкес инженерлік жүйелермен танысты. Сенаторлар құрылыс мамандары мен мердігер компания құрылысшыларына көкейде жүрген сұрақтарын қойды. Кездесу соңында қалада атқарылып жатқан істерге қатысты өз ойларын айтты.
–Миллион тұрғыны бар қалада тұрғын үйге сұраныс артып келеді. 42 мыңнан астам адам үй кезегінде тұр. Оның ішінде көпбалалы отбасылар мен әлеуметтік осал топтың баспаналы болуы алаңдатады. Шаһар басшылығының 2021 жылы 500-ден астам көпбалалы отбасыға, 600-ден астам әлеуметтік осал топқа пәтер беріледі деген уәдесін алдық. Яғни, биыл 1000-нан астам пәтер кілті тапсырылады. Пандемияға қарамастан Шымкент қаласында құрылыстың қарқыны тоқтаған жоқ. Ипотекалық үйлердің саны көбейген. Құрылыста сапаға мән беру басымдықта ие екен, – деді сенатор Айгүл Жарылқасынқызы.
Байланысты жаналықтар
MalimBlocks
