Шілдеде «7-20-25» бағдарламасы аясында 723 қарыз берілді – Ұлттық банк
Ал берілген несие көлемі 12 млрд теңге
Тамыздың басындағы жағдай бойынша, осы бағдарлама арқылы қазақстандықтарға бүгінге дейінгі берілген жалпы ипотекалық несие қарызының көлемі 1 трлн теңгеден асқан, деп хабарлайды Malim.kz.
Ұлттық банк таратқан мәліметке қарағанда, бір ай бұрынғы меже 1,023 трлн теңгені бағындырып болып тұрса, бұл жолы 1,035 трлн теңгеге жеткен. Оның 434,9 млрд теңгесі Астана қаласынан түскен 27 415 өтінішке ипотекалық несие ретінде үлестірілген.
Алматы қаласы бойынша 15 391 өтінішке 241,2 млрд теңге несие ретінде рәсімделген.
Ал Шымкент қаласында 5 582 өтінішке 70,5 млрд теңге тұрғын үй несие қарызы ретінде берілген.
Айта кетейік, 27 маусымға дейінгі мәлімет бойынша, осы бағдарлама аясында жалпы көлемі 74 620 қарыз берілген еді.
Фото: pexels.com
