Бүгін Шымкент қалалық тұрғын үй басқармасы басшысының орынбасары А.Балықбаев «Шаңырақ» орталығында көпбалалы аналармен кездесіп, пәтер кезегі мен үй беру жайын талқылады. Балықбаевтың айтуынша, жарты жылдықта 676 пәтер берілмек. Оның 378 пәтері көпбалалы отбасыларға үлестірілмек. Сондай-ақ, жүз пәтер әлеуметті түрлі жандарға жалға берілмек.
Балықбаев әлбетте үй беру, үлестіру тәртібі заң бойынша, ҰОС ардагерлері мен жетім және ата-ана қамқорлығынсыз қалған балалар, «Алтын алқа», «Күміс алқа» иегерлері мен бұрын «Батыр ана» атағын алған немесе І және ІІ дәрежелі «Ана даңқы» ордендерімен наградталған көпбалалы аналар, көпбалалы отбасылар баспананы бірінші кезекте алуға құқылы екенін айтып өтті.
Осы жиынға қатысқан «Отбасы банк» АҚ өкілдері мемлекеттік бағдарлама аясында берілетін үйлердің жайын баяндап өтті. Кездесуге қатысқан көпбалалы аналар пәтер алуға қатысты сұрақтарын қойып, ресми өкілдердің жауаптары мен заң тәртібіндегі талаптармен танысты.
