Джеффри Эпштейн ісіне байланысты жанжалдан кейін Ұлыбритания премьерінің аппарат басшысы Морган Максвини қызметінен кетті, деп хабарлайды Malim.kz. DW-ге сілтеме жасап.
Ұлыбритания премьер-министрі Кир Стармердің аппарат басшысы Морган Максвини АҚШ-тағы бұрынғы елші Питер Мандельсон төңірегіндегі жанжал аясында қызметінен кеткен. Бұл туралы жексенбі, 8 ақпанда The Guardian газеті мен Sky News телеарнасы хабарлады.
Sky News мәліметінше, лорд Мандельсон қыркүйек айында елші қызметінен босатылған. Алайда ол АҚШ Әділет министрлігі америкалық қаржыгер Джеффри Эпштейн ісіне қатысты жаңа құжаттарды жариялағаннан кейін қайтадан қоғам назарын өзіне аударды. Эпштейн кәмелетке толмағандарды жезөкшелікке мәжбүрлегені үшін кінәлі деп танылған.
Болжам бойынша, Питер Мандельсон британ үкіметінде қызмет еткен кезінде Эпштейнмен құпия ақпаратпен бөліскен.
