Алматы қаласының экс-әкімі Ерболат Досаев «Бәйтерек» ұлттық басқарушы холдингінің директорлар кеңесі құрамынан шығарылды, деп хабарлайды Malim.kz KASE-ге сілтеме жасап.
Аталған құжатта директорлар кеңесінің құрамын өзгерту туралы шешім биылғы 7 сәуірде қабылданғаны жазылған. Белгілі шенеунік «Бәйтерек» холдингінің директорлар кеңесіне осы жылдың қаңтар айында қосылған болатын.
Сондай-ақ, ол наурыз айының соңында Мемлекет басшысы Қасым-Жомарт Тоқаев жарлығымен Президент әкімшілігіндегі лауазымды қызметінен босатылған еді.
Сәуір айының басында Досаев «Самұрық-Қазына» директорлар кеңесі құрамынан да шығарылған еді.
