Білім саласында жымқырылған қаржы қайтарылды
Түркістан облысында Білім саласының 123 қызметкеріне қатысты жеті қылмыстық іс бойынша соталды тергеп-тексеру аяқталды
Қазақстанда білім саласында жымқырылған 1,5 миллиард теңге қайтарылды. Бұл туралы Бас прокуратура хабарлады.
- Бүгінде Түркістан облысында білім саласының 123 қызметкеріне қатысты жеті қылмыстық іс бойынша соталды тергеп-тексеру аяқталды. Оның ішінде бес іспен процеске қатысушы тұлғалар танысып жатыр, ал Сауран және Созақ ауданы білім бөлімдерінің қызметкерлеріне қатысты екі іс облыс прокуратурасымен сотқа жіберілді, - делінген прокуратураның хабарламасында.
Тергеу амалдары кезінде күдікті тұлғалардан мемлекетке 1,5 миллиард теңге көлемінде залал өндірілді. Сондай-ақ олардың қылмыстық жолмен табылған 2,9 миллиард теңге мүліктеріне тыйым салынды.
Фото: halyq-uni.kz
