Бұрынғы полицейге адам өлтірді деген айып тағылды
Қайғылы оқиға 17 қарашаға қараған түні Тасқала ауданында болған
Батыс Қазақстан облысында бұрынғы полицей адам өлтірді деген күдікке ілініп, тергеу басталды. Бұл туралы "Мой город" басылымы хабарлады.
Қайғылы оқиға 17 қарашаға қараған түні Тасқала ауданында болған.
"Ер адамдар арасында жанжал шығып, арты төбелеске ұласқан. Ауыр дене жарақатынан олардың бірі ауруханада көз жұмды", – деп хабарлады БҚО прокуратурасы. Күдіктіні полиция қызметкерлері ұстаған.
"Ол ішкі істер органдарынан теріс себептермен жұмыстан шығарылған бұрынғы қызметкер болып шықты", – делінген ақпаратта.
Фото: astana.sud.kz
